LAS BISTECS

Alba Rihe e Carla Moreno son o máximo expoñente do Electro-disgusting, que tal e como elas mesmas definen é unha corrente artística, perfománticomusical que consiste en molestar e non deixar indiferente a unha sociedade saturada de información. O dueto catalán presenta unhas letras, unhas coreografías e unha imaxe que removen as tripas dun mundo musical frecuentemente estereotipado e ábrense paso como a alternativa máis adictiva e punzante do momento.

Cunha posta en escena que inclúe a improvisación, o erro e moita actitude, Las Bistecs están a revolucionar a escena musical e arrasan por onde van. O seu disco Oferta (Miseria Producciones, 2016) constrúese a partir do beat, co que fan mover a todo o mundo que as escoite, e compleméntase cunhas letras baseadas no humor que retratan experiencias vividas en primeira persoarealidades sociais dignas dunha ditadura que aínda perduran e un surrealismo persoal líquido. Consideradas como fillas do século XXI, non hai ningún elemento en Las Bistecs que provoque indiferenza.

JOE CREPÚSCULO

Joe Crepúsculo é un artista que nos fascina e tennos en vilo con esa imaxe tan persoal. Como preferimos vivilo a que nolo conten, decidimos fichalo para ver cos nosos propios ollos o que pasa nos seus concertos e deixarnos levar por esa enerxía cósmica.

Herdeiro do pop máis marchoso, da estirpe dos mellores Astrud, Hidrogenesse, Fangoria ou La Casa Azul, as abas do Monte Lourido xunto ao mar semellan o marco ideal para dar renda solta ao seu indómito vitalismo.

La Verdad é o primeiro single de Nuevos Misterios, sétimo disco de Joe Crepúsculo, publicado o pasado mes de febreiro. Producido por el mesmo e cun amplo abanico de músicos e amigos participando no álbum, neste traballo conta coa colaboración de La Prohibida e Supremme de Luxe nos estribillos e Tomasito ás palmas. Con este tema revisita o seu estilo máis bailable e promete transformar o campo do Lourido nunha pista discotequeira de herba, a ceo aberto.

VIVA SUECIA

Cun sold out baixo o brazo na sala Ocho y Medio en Madrid, pode dicirse que Viva Suecia ten despegado de xeito definitivo. Despois de ser fichados en numerosos festivais, e cunha traxectoria fulgurante que os converteu no grupo de maior crecemento de 2017, estes murcianos imparables, farán parada en Nigrán para dar o seu único concerto en Galicia este verán, onde xa contan cun número xa considerable de fans.

Temos moitas ganas de escoitar en directo os temas do seu segundo álbum, así como os éxitos do primeiro: na súa curta traxectoria (o grupo aínda non cumpriu os 3 anos) contan cun bo número de hits incontestables que o público xa elevou á categoría de himnos, como o inesquecible A dónde ir, ou os aclamados La Estrella de David, El nudo y la esperanza ou Hemos ganado tiempo. Compre non perderse a garra do seu contundente directo, ás veces rabioso, ás veces emotivo e sempre emocionante.

BASANTA

A nosa aposta local é o fantástico proxecto de Roi Basanta, que queremos apoiar desde os seus inicios. Deixámosvos coa súa nota de promo:

<<No solsticio de verán os membros de Basanta gozaron dun atardecer máxico, brindaron con viño, cantaron cancións esquecidas, brillaron o pop e as fadas. Tal foi a experiencia e a revelación daquel día que decidiron montar unha banda que dese voz á natureza. Baseanta transpórtanos coa súa música a un imaxinario rico en mellotrones, afinacións abertas, fuzzs setenteiros, harmonías beatlenianas e ritmos frescos e actuais.

Os seus membros (Sol, Xofre, Sal, Terra e A Santa) forman algo máis que unha banda: unha tribo que se expresa a través das melodías que atopan o seu lugar nun equilibrio perfecto entre luz e escuridade. Cheas de trazos coloridos, forman un marco cromestésico para unhas letras que nos guían no seu ritual en cada concerto. Os cinco músicos que forman Basaanta, ocultos tras unhas intrigantes máscaras, van dando forma a un lisérxico universo ao que é moi tentador entrar e do que é difícil saír.>>

OS AMIGOS DOS MÚSICOS

<< El resultado posee una lógica interna demoledora, plagado de honestidad y autenticidad.>> (El Mundo).
<< Un auténtico clásico contemporáneo de la música gallega.>>(Rockdelux).

<<Es una preciosidad de disco.>> (Islas de Robinson).
<<Una de las piezas clave del folk-pop gallego.>> (Ruta 66).

Os Amigos dos Músicos (Jaime Mateo, Arcadio Nóvoa, Raúl Diz, Daniel Alonso, Druso L. Pedrouzo, Álvaro A. Rivera e Xurxo
Brea)
irromperon no mundo da música co gran éxito do seu disco homónimo (Gran Derby Records, 2016), amplamente aclamado pola crítica (considerado o Mellor disco do 2016 en Galicia, ademáis de acadar o quinto posto na lista dos mellores discos folk do 2016 segundo a revista Mondosonoro) e chave do Premio Martin Códax do 2017 á mellor banda de Pop.

Neste seu primeiro disco recollen un conxunto de cancións nas que xuntan o propio co alleo para dar forma a un discurso fragmentado e polifónico, mais no que aos poucos vai emerxendo a coherencia do horizonte.

A banda, que sempre buscou referentes na lírica popular galega (Curros Enríquez Suso Vaamonde, Manuel María, Luis Emilio Batallán…) presenta nos seus concertos un amplo rexistro musical que só pode ser escoitado. Despois dun tempo percorrendo o país, Os Amigos dos Músicos presentan un traballo que, máis que un resumo do anterior, pretende ser a introdución a un tempo novo.

 

NEW DAY

No verán de 2015, mentres Dover vivía os seus últimos días como banda después de 24 anos de traxectoria, Amparo Llanos, a súa guitarrista, compositora e cofundadora, sabía que aún tiña moitas cousas que dicir e experimentar coa música. Así nace New Day, o proxecto que forman tamén Samuel Titos (ex Dover) no baixo e Jota Armijos (ex Fuckaine) na batería.

O seu disco debut foi gravado no estudo El Invernadero de Madrid baixo a produción dos propios Amparo e Samuel e coa mestura de Ferni Duhalde. Os trece temas que compoñen Sunrise están escritos desde un punto de vista existencial e evocan momentos do pasado de Llanos, quen os describiu como “unha mestura de grito de independencia e de anhelo dos demáis”. Un disco que nace do corazón, pero sobre todo da experiencia de moitos anos na estrada e enriba dun escenario.

Stay, o primeiro single que viu a luz, foi elixido como o primeiro adianto do disco que saíu á rúa o pasado 24 de marzo, cuxo son folk nostálxico, na voz de Llanos, chamou a atención tanto de medios como de melómanos, que converteron o álbum nun dos más vendidos en centros como FNAC ou ECI.

O trío debutou no escenario do Wurlitzer o 25 de novembro de 2016 con entradas esgotadas en poucas horas, no que foi o alentador comezo dunha das bandas máis prometedoras da escena actual: agora embárcanse nunha xira que lles levará por salas e festivais ao longo e ancho da península e Europa ata finais de 2018.

 

DA CHICK

A nave espacial de DA CHICK ten a súa base de operacións en Lisboa, desde Portugal xa se fixo un oco entre os grandes nomes do Disco Boogie Funk a nivel europeo. A súa frescura e son cegou recentemente na última edición do South By Southwest de Austin (EEUU). Teresa de Sousa á fronte do proxecto é pura provocación a ritmo de Disco Soul e Boogie Funk cun directo cegador e moderno. Apoiado polas producións de Moulinex, Xinobi, Cut Snack ou Isac Ace xa están a ser un referente na escena mundial dos novos sons do música Disco. Tanto o seu debut en 2012 co EP Curly Mess como despois co seu álbum de 2015 Chick To Chick foron publicados polo selo portugués Discotexas. A súa nova referencia en vinilo 7” de edición limitada para Ligazón Funk inclúe dous temas que son hits instantáneos na pista de baile: Call Me Foxy e Hot Salgueiro. Da Chick é o Funk do século XXI coa herdanza da old school dirixida cara ao espazo exterior. Suban á súa nave propulsada por enerxía Disco e prepárense para unha viaxe cargada por carburante do mellor son Electro Boogie Funk. Da Chick fai bailar xunto ás estrelas da galaxia groovadélica.

MORGAN

Morgan é un proxecto musical nado en 2012, momento no que Nina de Juan (piano e voz) , mostra as súas composicións a Paco López (guitarra e voz) e a Ekain Elorza (batería) e o tres anímanse a harmonizalas e crearen un novo grupo. Ese mesmo ano debutan en formato acústico na sala Costello de Madrid e ofrecen algún concerto no País Vasco, pero non é ata finais de 2015 cando deciden entrar no estudo a gravar o seu primeiro álbum. O estudo elixido é La Cabaña (Madrid), onde coa axuda do produtor José Nortés (Ariel Rot, Quique González, Sergio Makaroff, etc.), rexistran o seu primeiro disco North, disco autoeditado que conseguiu coarse nas listas dos máis vendidos este 2017.

O disco sae á venda en febreiro de 2016, coincidindo coa súa volta aos directos, esta vez xa con formación eléctrica e a incorporación á banda de Alejandro Ovejero ao baixo e David Schulthess ao teclado. Este primeiro concerto de presentación na Sala Sol tamén é o primeiro no que colgan o cartel de “non hai entradas”: unhas semanas despois, farían o mesmo en Berriz (Bizkaia) e nos seus dous concertos no Teatro Lara de Madrid, en xuño e setiembre de 2016.

A partir dese momento, Morgan non pararon de tocar e sumar éxitos. Durante 2016 presentaron o seu disco en 25 cidades diferentes da península e visitaron algúns dos grandes festivais do panorama español (Mad Cool, Sonorama, Xigante, Actual, Let’s Festival). A destacar tamén o seu concerto de apertura para Leiva nun Palacio de los Deportes cheo ata a bandeira e a súa viaxe a Brasil para acompañar a Tulipa Ruiz (gañadora dun Grammy Latino) en varios eventos en São Paulo.

Este 2017 arrincou da mellor forma posible: reeditaron o seu disco despois de esgotar a primeira edición (entrando nas listas dos máis vendidos do ano) e seguiron presentando North por novos territorios como Cataluña, Santander ou Zaragoza. Aínda co sold-out da mítica sala Joy Eslava de Madrid na memoria, a banda está preparada para volver botarse á estrada e visitar novas salas, ciclos e festivais ata a súa volta ao estudo para a gravación do segundo disco. Vémonos no camiño.

TACHENKO

Tachenko naceu en 2002 e está formado por Sergio Vinadé e Andrés Perruca, ex membros do grupo El Niño Gusano; e Sebas Puente. Esta formación de Pop indie, que usa o castelán nas súas composicións, destaca pola calidade das súas letras, nas que se nota a afección de Sebas Puente pola boa literatura e poesía e que ao mesmo tempo resultan moi pegadizas, e alcanzan o pleno sentido “popular” deste xénero.

Tras cinco discos e tres EP’s editados ata a data, o máis recente El Amor y las Mayorías, publicado por Limbo Starr en 2013 (selo que tamén se fixo cos dereitos dos dous primeiros álbums e EP’s e reeditounos no dobre CD Los Años Hípicos), e varias xiras, nalgunha delas xunto á icona indie Micah P. Hinson; pode dicirse que son unha das bandas con máis táboas no panorama do pop actual en España; ao que achegaron grandes éxitos como Escapatoria, Vámonos ou El Respland’or.

LOS DUQUES DE MONTERREY

Indy Tumbita e Linda Lamarr son veteranos da escena rock (Pussycats, Thee Tumbitas ou Heroínas; e no caso de Indy, tamén en Los Villanos de Boraville, Los Profesionales, The Passadenas, The Tora Tigers, Pedrito Diablo & Los Cadáveras ou Joao Tomba) e integran Los Duques de Monterrey, banda especializada en country á galega, tex mex das Rías Baixas e corridos de batea; cuxos temas xiran en torno á corrupción e a miseria que une Tijuana e ViIagarcía, Sinaloa e a Ría de Arousa. Nas súas letras recollen a historia de personaxes reais como Rosi, a raíña da coca, viguesa de nacemento e logo “capo” dun cartel mexicano; ou Don Pedro, que se mantivo fiel ao contrabando de tabaco; os tripulantes das planadoras e certos barcos de pesca…

En asociación cos navarros Zopilotes Txirriaos e Íñigo Cabezafuego, sacaron o seu primeiro disco, De Asuntos Perros, gravado en Color Hits (Vilalba). Para os directos contan coa colaboración de músicos da escena viguesa como Andrés Cunha (batería) de Hight Serras e Los Profesionales; Charloe Lajueiro (baixo) e David Rodríguez (trompeta e acordeón), ambos de Pedrito Diablo & Los Cadáveras; e Paco Serén (guitarra rítmica), de Los Piratas.

BFLECHA

BFlecha é o nome de guerra de Belén Vidal, unha produtora, DJ e vocalista viguesa que acumula unha dilatada carreira ás súas costas que lle permitiu experimentar en varios estilos e formacións. Curtida en festivais como Sonar ou Urban Funke e outros escenarios de Portugal, Alemaña e reino Unido, desde 2010 comezou a súa andaina en solitario.

O seu álbum de debut, Beta, foi considerado un artefacto único na súa especie e o seu carácter heterodoxo e innovador marcou o inicio dunha nova etapa na música facturada no noso país, sentando as bases para outra maneira de entender a música popular do século s.XXI.

Co-fundadora de Arkestra Discos, os seus traballos inclúen grandes hits como Ceja de Carnaval e a balada Kosmic Lovers.

Recentemente saíu á luz Kwalia, o esperado segundo traballo desta artista polifacética, que contén once temas impregnados de R&B, Hip-Hop contemporáneo, estruturas pop e un amplo espectro de influencias musicais, dende a música tradicional ata a vangarda dixital. O disco, escrito e producido por Belén, inclúe achegas do tamén membro de Arkestra Mwëeslee -coprodución e mestura- e Judah -a quen se debe o single Kongô No– e El Guincho, que aparece na bombástica Sinfín.

ESPIÑO

Espiño é o novo proxecto musical de Alfonso Espiño (Contrastes, Mega Purple Sex Toy Kit, Los Chavales) un compostelán de 1976 ligado ao mundo da música dende hai máis de vintecinco anos. Alfonso afronta esta nova etapa abondando no eido do pop de corte psiquedélico, aderezado cunhas pingas de rock progresivo e un chisco de folk-rock. O músico santiagués amosará a súa faceta máis imaxinativa, apostando pola produción propia e o idioma galego. A nova banda, creada en outubro de 2016, está formada por Alfonso Espiño (baixo e voz principal), Brais Sánchez (guitarras e coros), Alexandro González (teclados e coros) e Curro Marcos (batería). A pesar do pouco tempo transcurrido dende o seu nacemento, Espiño alzouse co primeiro premio do II Certame Galicia Creativa, convocado pola Fundación Autor a finais do pasado ano, na categoría pop/rock. Dito premio permitiu á formación gravar un primeiro disco, I, que se presentou en rolda de prensa o 1 de xuño. O álbum, producido por Alfonso Espiño e Gerardo Amigo, está composto por seis cancións escritas e arranxadas polo propio Espiño, e conta coas colaboracións de Álvaro Crego ás trompetas e trompas e Quim Fariña aos violíns. O primeiro día do verán e case sen permitirse un respiro, Espiño lanzou o single dixital Flores, tambores e ilusións, que xa forma parte da banda sonora desta época estival.

MAREM LADSON

Marem Ladson sente o tirón da música e a escritura dende nena.

Agora, aos seus 19 anos, a ourensá, cumprido o seu soño de tocar no café-pop Torgal da súa cidade natal -cando actuou na apertura do concerto de Denison Witmer, no ciclo do American Autumn 2015– atópase a piques de sacar o seu primeiro disco con Gran Derby Records, do que o ano pasado xa avanzou o single All my Storms. Foi tamén unha das tres artistas seleccionadas polo Proyecto Prisma, centrado na promoción de artistas menores de 23 anos.

Na voz de Marem, profunda e chea de matices, pode rastrexarse a elegancia e a enerxía dos clásicos do folk e do rock -desde Bob Dylan e Neil Joung a Eliott Smith, Nick Drake ou The Velvet Underground– e cantautoras como Joan Baez, Fiona Apple, Regina Spektor, Courtney Barnett, Laura Marling ou Cat Power. As súas letras, escritas en inglés -a súa outra lingua nai- transpiran todo o sentimento dunha artista que ten raíces fondas a ambos os dous lados do Atlántico.

ATLANTIC

A mediados de 2015 , os novísimos Roi Grandío (voz, guitarra), José Vilas (batería), Rafael Davila (baixo) e Andrés Vilas (saxo) deron vida a este grupo nigranense, que pronto extendeu o seu radio de acción a toda a área metropolitana de Vigo, intercalando nos seus concertos “covers” coas súas propias composicións, dentro dun estilo ecléctico na órbita do indie rock.

Adrián Collazo (teclados) uniuse ao grupo a finais  dese ano, e pouco despois inician a gravación do seu primeiro single Invierno -do que fixeron tamén un videoclip- nos estudos de Casa de Tolos. En 2016 superan a máis de 200 grupos nun concurso de ámbito estatal para menores de 25 anos.

A principios deste ano sacaron un EP de 3 cancións como adianto do seu primeiro disco, previsto para o verán. Estos temas están dispoñibles en Youtube, Spotify e outras plataformas musicais.

ISAAC PEDROUZO

Isaac é melómano de nacemento. Percorreu todo o circuíto de salas alternativas de Galicia como DJ convidado ata que botou raíces no Café & Pop Torgal de Ourense, non por casualidade na súa cidade de orixe, á que se sinte profundamente ligado.

Cun vasto coñecemento da música das últimas catro ou cinco décadas, é capaz de facer realidade o tópico de que hai unha canción para cada momento. Non é amigo de trazar plans e confesa que se deixa levar pola espontaneidade e o espírito do lugar. Imposible pois saber que ten preparado para Vive Nigrán, o único certo é que será unha vivencia irrepetible.

EDU ROMERO

O vigués Edu Romero combina o seu traballo como parte do persoal de Coconut producciones co de baixista do grupo Nadadora, picadiscos para Onda Cero e DJ en varios eventos, como o Festival de Cans. É un dos DJ’s máis coñecidos do panorama galego; e foi tamén encargado da programación do emblemático La Iguana Club, de Vigo.

En 2008 foi un dos impulsores do festival Voces Femeninas, centrado en programar mulleres artistas en teatros e salas, que desde entón se converteu nun dos eventos a prol da igualdade de xénero máis aplaudidos.

Do seu traballo, Edu destaca a importancia da intelixencia emocional: saber medir a temperatura da pista para elixir o mellor momento de picar ese disco que fai que o evento explote e ser sensible ás peticións particulares do público, o contexto específico do lugar e as características de cada audiencia. Todos estes factores combinados converten cada unha das súas sesións de DJ nun evento único, perfectamente adaptado a ese momento e lugar.

RAPARIGA DJ

Rapariga DJ é Cristina Pontanilla, unha polifacética pontevedresa que leva o seu eclecticismo vital á mesa de mesturas, de modo que tanto pica funk como stoner, rock & roll e de cando en vez algún tema swing deses que é difícil escoitar cos dous pés no chan.

Cristina participou en proxectos como The Conas DJs, na que comparte os mandos con outras mulleres e pica temas musicais de artistas femininas. Ten tocado en locais como O almacén Cultural, a Sala Mondo, Le Suite ou a Sala Playmóbil, de Vigo; El Pequeño Karma ou a Rock-ola de Pontevedra; A Reixa e La Radio Club, de Santiago de Compostela; La Gata d’A Coruña; e moitos outros, repartidos por toda a xeografía galega, tanto en sesións vermú como en festas nocturnas.

PICNIC POP DJ

Cando abrimos unha cesta de picnic, podemos sacar un sandwich de pepinillos, unha fiambreira, un anaco de tortilla, muffins e un bo viño espumoso, todo iso perfectamente disposto nun mantel a cadros. Juan Rivas, ten ás súas costas unha ampla carreira no mundo da música como autor e intérprete pop. Ademais de gravar cinco álbums, tres deles con grandes multinacionais, actuou como DJ e programador desde os seus inicios en numerosas salas e festas. Nos últimos anos comezou unha nova andaina como xestor cultural, pondo o seu selo en eventos como ICC Week, Hallvermúclub e Vive Nigrán.

Como peche da primeira xornada deste evento, nacido do seu dobre vínculo coa arte pop por unha banda e do espírito espontáneo do picnic, Juan creou o concepto de picnic pop, un menú especial para vivir a tarde máis divertida nun mantel de herba. Un ritmo rico, melodías naif e un chisco de tecnopop son algúns dos in